burkina fasoda 15 neper nigériyelik öltürüldi
sénégaldiki bir teriqet guruppisining programmisigha qatnishish üchün yolgha chiqqan nigériye guruppisidin 15 kishi burkina fasodiki hujumda qaza qildi.
türkiye awazi radiyosi xewiri: dölet taratqulirining xewirige asaslanghanda, sénégalning koalak rayonidiki sheyx ibrahim nias teriqitining programmisigha qatnishish üchün yolgha chiqqan bir türküm nigériyelikler burkina fasoning zorawan rayonida hujumgha uchrighan.
hujumda 15 nigériyelik qaza qilghan we guruppini élip mangghan aptobusqa ot qoyup bérilgen.
nigériye prézidéntliqining bayanatida, pirézidént muhemmed buxarining bu qatilliqqa alaqidar échinishliq weqedin xewer tapqanliqi bildürüldi.
bayanatta nigériye bilen burkina faso hökümetlirining hemkarliq ichide ikenliki, hujumda qaza qilghanlarning jinazilirini we hujumda hayat qalghanlarni qoghdash üchün barliq tirishchanliqlarni körsitiwatqanliqi uqturuldi.
qoshna dölet malidiki elqaide we daéshqa chétishliq térorluq guruppiliri 2015 - yildin béri burkina fasoning shimali we sherqide pat pat hujumlarni qilip kelmekte idi.
