wuchich sérbiyening natogha eza bolushni xalimaydighanliqini otturigha qoydi

türkiye awazi radiyosi xewiri: wuchich, sérbiye mejlisining kosowo mesilisini hel qilishqa munasiwetlik amérika bilen yawropa ittipaqining qollishigha érishken firansiye – gérmaniye pilanini etrapliq muzakire qilish yighinining ikkinchi küni élan qilghan bayanatida jeryanida, dölitining yawropa ittipaqigha eza bolush yolida méngiwatqanliqigha isharet qilip: «sérbiye natogha qoshulushni xalimaydu. sérbiye herbiy bitereplikini saqlap qélish we kücheytishni xalaydu. yawropagha maslishish bilen atlantik teshkilatigha maslishish otturisida zor perq bar» dédi.

wuchich özining hergizmu hakimiyitini saqlap qélish üchün söhbet ötküzmeydighanliqini, özi üchün muhim bolghinining sérbiyening «hayat qélishi we tereqqiyati» ikenlikini tekitlidi.

sérbiyening kosowoning birleshken döletler teshkilati (b d t)gha eza bolup kirishining aldini alidighanliqini bildürgen wuchich, özlirining bu ishni qilalaydighanliqigha ishinidighanliqini qeyt qildi.

yawropa ittipaqi, yawropa ittipaqigha eza bolush yolida ilgirilewatqan kosowo bilen sérbiyedin özara saqliniwatqan mesililerni hel qilishqa kapaletlik qilidighan bir kélishim hasil qilishini telep qilmaqta.

sérbiye 2008-yili bir tereplime halda musteqilliqini jakarlighan kosowoni özining zémini dep qaraydu.