amérika qitesidiki eng chong türme salwadorda
amérika qitesidiki eng chong türme ottura amérika döliti salwadorda échildi.
türkiye awazi radiyosi xewiri: salwador pirézidénti nayb bukélé tékoluka kentidiki bir wadida, 166 géktarliq sahede 40 ming kishi sighidighan amérika qitesidiki eng chong türmini achti.
bukélé ammiwi ortaqlishish tor béti Twitter sehipiside élan qilghan bayanatida, salwadorda qara guruhlargha qarshi küresh qilish üchün yasalghan we «amérika qitesidiki eng chong türme» dep atalghan «térrorizmdin mudapielinish merkizi» toghrisida mundaq dédi: «<térrorizmdin mudapielinish merkizi> ni achtuq. bu merkezning qurulushi yette ay ichide pütti. bu merkezning qeara guruhlargha qarshi urushta toluq ghelibe qilishqimu zor paydisi bar.»
salwador edliye we jamaet xewpsizlikining muawin ministiri osiris luna bolsa, bu merkezning eng yéngi téxnologiyelik esliheler bilen yasalghanliqini éytti, hemde bu merkezni 600 esker, 250 saqchi we qarawulning kéche-kündüz qoghdaydighanliqini bayan qildi.
