péruda muddettin burun saylam ötküzüsh telipi ret qilindi

türkiye awazi radiyosi xewiri: péru kongreside pirézidént dina boluarténing muddettin burun saylam ötküzüsh chaqiriqi awazgha qoyuldi. chaqirq 68 awazning ret qilishi, 54 awazning qollishi we ikki awazning hoquqidin waz kéchishi bilen ikkinchi qétim ret qilinghan boldi.

pirézidént dina boluarténing muddettin burun saylam ötküzüsh chaqiriqi 28-yanwar kongrede awazgha qoyulghan we ret qilinghan idi.

amérikan döletliri teshkilati (OAS) péru dairilirige xitab qilip, saylamlarni pat arida adil, erkin we ochuq-ashkara muhitta ötküzüshke chaqirdi.

péruda hökümetke qarshi namayishlar dawamlishiwatqan bolup, paytextni öz ichige alghan nurghun sheherlerde, namayishchilar bilen saqchilar toqunushti.

péru xelqi sabiq pirézidént pédro kastilloning 7-dékabirda (2022) kongre teripidin wezipisidin qaldurulghanliqigha naraziliq bildürüp, namayish qilishni bashlighan idi.

namayishchilar, hazirqi pirézidént boluarténing hoquqidin istépa bérishini, muddettin burun saylam ötküzüshni we tutup turuluwatqan sabiq pirézidént pédro kastilloning qoyup bérilishini telep qilmaqta.

péru taratquliridiki xewerlerge asaslanghanda, 11-dékabir bashlanghan namayishlarda hazirghiche 64 kishi jénidin ayrilghan, 1700 din artuq kishi yarilanghan.