jon kirbi tashqi ishlar ministiri antoni blinkénning xitayda ziyarette bolidighanliqini bildürdi

türkiye awazi radiyosi xewiri: aqsaray dölet bixeterlik kéngishining istratégiyelik alaqe maslashturghuchisi jon kirbi intérnét torida chaqirilghan kündilik axbarat élan qilish yighinida söz qildi.

u amérika maliye ministirliqining jenubiy sherqiy asiya döliti birmada 2021 - yili 1 - féwralda élip bérilghan herbiy özgirishning ikkinchi yilliqi dairiside, siyasiy özgirish qilghan herbiy hakimiyetni kirim we qoral bilen teminligenliki éniqlanghan alte shexs we üch organgha émbargo yürgüzidighanliqini élan qildi.

u bu qararning engliye, awstiraliye we kanada qatarliq ittipaqdashliri bilen birlikte herbiy hakimiyetke qaritilghan omumiy émbargo dairisige kirgüzülgenlikini tilgha élip, birmadiki siyasiy özgirishtin buyan 80 shexs we 30 organgha émbargo yürgüzgenliklirini eskertti.

u: «birmadiki herbiy hakimiyetning wehshiylikidin hésab sorash üchün ittipaqdashlirimiz bilen tirishishni dawamlashturimiz» dédi.

u yene, ete (2-féwral) amérika pirézidénti jo baydinning iyordaniye padishahi ikkinchi abdullah bilen körüshüp, rayon bixeterliki we iran mesililirini muzakire qilidighanliqini  bildürdi.

u pirézidént baydénning biraziliye pirézidénti luyiz inachiyo lula da silwa bilenmu körüshidighanliqini uqturdi.

u tashqi ishlar ministiri antoni blinkénning kéler hepte xitayda ziyarette bolidighanliqini tilgha élip, xitaydiki söhbetdashliri bilen sabiq awam palatasi bashliqi nensi pélosining teywen ziyaritidin kéyin üzülüp qalghan herbiy ishlar we muhit mesilisi qatarliq témilardiki diyalogdin bashqa nurghunighan témilarda muzakire mesililirining küntertipke kélidighanliqini bildürdi.