pakistanda bir jamege qilinghan térrorluq hujumida ölgenlerning sani köpeydi
pakistanning xeyber paxtonxwa ölkiside tünügün (30-yanwar) péshin namizi esnasida, bir jamege qilinghan térrorluq hujumida qaza qilghanlarning sani 72 ge yetti.
türkiye awazi radiyosi xewiri: pakistan taratqulirining xewer qilishiche, tünügün xeyber paxtonxwa ölkisining sheherlik saqchi iradisi rayonida bir jamege péshin namizi esnasida qilinghan térrorluq hujumidin kéyin bashlanghan izdesh - qutquzush paaliyetliri dawamlashmaqta iken.
alaqidar tarmaqlarning bildürüshiche, térrorluq hujumida jénidin ayrilghanlarning sani 72 ge yetken bolup, yaridarlarni dawalash xizmiti dawamlashmaqta iken.
xewerlerde déyilishiche, xeyber paxtonxwa ölkilik hökümet ölke miqyasida bir künlük «matem» élan qilghan.
mezkur térrorluq hujumining jawabkarliqini pakistan talibanliri öz üstige alghanidi.
hujumning, pakistan tashqi ishlar ministiri bilawal butto zerdarining rusiyede ziyarette boluwatqan peytte yüz bérishi diqqet qozghighanidi.
yéqindin buyan térrorluq hujumlirini köpeytiwatqan pakistan talibanliri 28 – noyabir küni (2022) ammiwi ortaqlishish tor bétidiki sehipiside bayanat élan qilip, 10 – may küni islamabad hökümiti bilen hasil qilinghan urush toxtitish kélishimi mudditining axirlashqanliqini uqturghan, hemde ezalirigha, pakistan miqyasida dölet xewpsizlik küchlirige hujum qilish toghruluq yolyoruq chüshürgenidi.
pakistan «pakistan talibanliri» ni térrorluq teshkilati dep qaraydu.
