donald tramp: «amérikaning xitaygha qarshi turalaydighan bir rehberge éhtiyaji bar»

türkiye awazi radiyosi xewiri: amérikada ötküzülidighan 2024-yilliq pirézidéntliq saylimigha namzat bolghan jumhuriyetchiler partiyesining siyasetchisi donald tramp saylam seperwerlikige munasiwetlik nutuqini néw hempshirde chaqirilghan partiyesining yilliq yighinida we jenubiy karolina ishtatining merkizi kolombiyede sözlidi.

tramp 2024-yilliq saylam üchün ilgirikige qarighanda «téximu iradilik we ghezepke tolghan» halette ikenlikini hemde chong yighilishlarni ötküzidighanliqini bildürüp: «chünki saylighuchilarda biz ilgiri körüp baqmighan bir roh bar» dédi.

tramp pirézidéntliq dewride yolgha qoyghan siyasetlirini misal keltürüp, hazizqi pirézidént jo baydinning chégra, iqtisad we ijtimaiy siyasetlirini tenqid qildi.

tramp: «2024-yilliq saylam dölitimizni qutquzushtiki birdinbir pursitimizdur» dédi we «amérika solchil idéologiyeler, yer asti dölet, axbarat we xitaygha qarshi turalaydighan bir rehberge éhtiyajliq» dégen qarishini ilgiri sürdi.

donald tramp 2017 – yilidin 2021 - yillirighiche pirézidéntliq wezipisini ötigen we aldinqi yili (2022) 16 - noyabirda 2024-yili ötküzülidighan pirézidéntliq saylimigha özining namzatliqini élan qilghan idi.

2024-yilliq saylam üchün hazirqi pirézidént jo baydinningmu namzatliq iltimasini 7–féwralda tapshuridighanliqini «ittipaqdash döletler» nutuqidin burun élan qilishi mölcherlenmekte.