amérikaning sabiq pirézidénti xataliq ötküzgenliklirini étirap qildi
öyide döletke tewe «mexpiy höjjetler» tépilghan amérika qoshma ishtatlirining sabiq muawin pirézidénti mayk péns xataliq ötküzgenliklirini étirap qildi we bu mesilide toluq mesuliyetni öz üstige alghanliqini éytti.
türkiye awazi radiyosi xewiri: péns, florida ishtatliq uniwérsitétitiki bir paaliyette qilghan sözide, öyide muawin pirézidént dewride «mexpiy höjjetler» ning tépilghanliqi heqqide mundaq dédi: «bu mexpiy höjjetler méning shexsiy turalghumda bolmasliqi kérek idi. xataliq sadir boldi, men toluq mesuliyetni öz üstümge alimen.»
u, mexpiy höjjetlerni muwapiq qoghdashning dölet bixeterliki üchün intayin muhimliqini tekitlidi, hemde pirézidént jo baydinning shexsiy ishxanisi we turalghusida mexpiy höjjetler tépilghandin kéyin, özlirining shexsiy xatirilirini közdin kechürgenliklirini éytti.
péns, «mexpiy höjjetler» tépilghandin kéyin, derhal döletlik arxip idariliri, fédératsiye tekshürüsh biyorusi we edliye ministirliqining munasiwetlik orunlirigha xewer qilghanliqlirini bayan qildi.
u, meslihetchilirining bu organlar bilen hemkarliship, xizmet ishlewatqanliqini qeyt qildi, hemde özining bu höjjetlerning barliqidin xewirining yoqluqini eskertti.
