elezherning bayqut chaqiriqi shiwétsiyesini sarasimige saldi

türkiye awazi radiyosi xewiri: shiwétsiye bash ministiri ulf kiristérsonm dölet téléwiziye qanili SVT gha bayanat bérip, elezherning bayqut qilish chaqiriqining shiwétsiyening nurghun musulman döletler bilen bolghan yaxshi munasiwitige tesir körsitidighanliqini otturigha qoydi.

daniyening ashqun ongchil «qattiq yönilish» partiyesi rehbiri rasmus paludan 21 - yanwar (2023) türkiyening stokholmdiki elchixanisi aldida quranni köydürgen, saqchilarning himayiside sadir qilinghan weqe jeryanida, namayishchilarning paludangha yéqinlishishigha yol qoyulmighanidi.

gollandiyedimu irqchi éqimdiki «gherbning islamlishishigha qarshi wetenperwer yawropaliqlar» herikiti rehbiri édwin wagénswéld 23-yanwar laheyde quran kerimni yirtqanidi.

quran kerimge arqa – arqidin qilinghan mezkur qebih haqaretlerdin kéyin, misirdiki elezher uniwérsitéti barliq musulmanlarni gollandiye we shiwétsiye mehsulatlirini bayqut qilishqa chaqirghanidi.