nasa bilen péntagon alem ishlirida özara hemkarlishidu

türkiye awazi radiyosi xewiri: igilinishche, nasa bilen péntagongha qarashliq ilghar mudapie tetqiqat layihe pirogrammisi (DARPA), mars wezipisi üchün ishlepchiqirilidighan yadro issiqliq rakétasining motorini tereqqiy qildurushqa qoshulghan.

amérika alem qatnishi idarisining bayanatigha qarighanda, ilghar mudapie tetqiqat layihe pirogrammisi bilen ay shari we yer shari otturisidiki téz sürette meshghulat qilalaydighan rakétani öz ichige alghan pirogramma (DRACO) özara hemkarliq ornitilidiken.

amérika alem qatnishi idarisining bashqurghuchisi bil nélson (Bill Nelson): «biz yadro issiqliq tarqitish téxnikisini baldur bolghanda 2027-yilghiche uzun yilliq hemrahimiz DARPA bilen hemkarliship, tereqqiy qildurimiz. alem uchquchiliri bu yéngi téxnika arqiliq alem boshluqigha ilgirikige qarighanda téz kélip-kétidu» dédi.

u hemkarliq dairiside, nasaning alem téxnikisi mudirliqining rakéta motorini tereqqiy qilduridighanliqini, DARPA ning réaktor we motorni tereqqiy qildurushqa küch chiqarghandin bashqa, pütkül jeryanni bashquridighanliqini bildürdi.

DARPA ning diréktori, doktor stéfané tompkins (Stefanie Tompkins) ikki organning uzun tarixqa ige ikenlikini tekitlep, bu hemkarliqning alem téxnikisini ilgiri süridighanliqini bayan qildi.

u DRACO ning ay sharigha matériyallarni téz yetküzüshte mohim rol oynaydighanliqini tilgha élip, kelgüside bu pirogramma arqiliq kishilerni marsqa élip bérishning éhtimalliq dairiside ikenlikini qeyt qildi.

amérikaning eng axirqi yadro issiqliq rakéta motori siniqi 50 nechche yil ilgiri élip bérilghan.