parizhda nawaylar kochilarni toldurdi
firansiyening paytexti parizhda nawaylar énérgiye bahasining örlep ketkenlikige qarshi namayish qildi.
türkiye awazi radiyosi xewiri: firansiye paytexti parizhda minggha yéqin kishi dölet meydanigha yighilip, iqtisad ministirliqi binasigha qarap yürüsh qildi.
namayishchilar qollirida eeniwi (bagét) bolkilirini we «hünerwenler pul paxalliqining bésimi astida», «b d t maarip, ilim-pen we medeniyet teshkilati nawaylarni shallidi», «(bagétimgha) bolkamgha qol uzartma!» «nawaylar xeter ichide» dep firansuzche yézilghan lozunkilarni kötürüshüp shoarlarni towlidi we énérgiyege yuqiri baha chéki qoyulushini telep qildi.
andin namayishchilar iqtisad ministirliqigha yéqin jayda olturup namayish qildi.
firansiye hökümiti énérgiye kirizisi sewebidin yuqiri tok talonlirigha duch kelgen nawaylargha ilgiri élan qilghan talon yardimidin bashqa yene, baj we istiraxuaniye bedili tapshurushni kéchiktürüsh xizmitinimu bashlighanliqini élan qilghan idi.
bash ministir élizabét borné nawaylarning neq pul tölishini azaytish üchün baj we istraxuaniye heqqi töleshtin bashqa yene, bu yilliq tunji tok pulini yil boyi aygha bölüp tölishi üchün xizmet bashlighanliqinmu bildürgen idi.
