amérika bélarusiyening 25 emeldarigha wiza cheklimisi yolgha qoydi

türkiye awazi radiyosi xewiri: amérika tashqi ishlar ministiri antoni blinkén yazma bayanat élan qilip, bélarusiyediki siyasiy sotlargha qarshi tedbir yolgha qoyghanliqlirini bildürdi.

u bélarusiye hökümitining öktichi rehber sywatlana tsixnanowskaya we bashqa démokrat siyasiy paaliyetchiler asassiz eyiblinip, ghayibane sotlash arqiliq «bélarusiye xelqini we ularning démokratik arzusini siyasiy meqsetlik sotlar bilen basturushni dawamlashturuwatqanliqi» ni ilgiri sürdi.

u: «tashqi ishlar ministirliqi bu xil kishilik hoquq depsendichiliklirige jawab süpitide, démokratiyeni paltilashqa chétilghanliqliri üchün 8015-nomurluq pirézidéntliq belgilimisi ramkisida 25 bélarusiye emeldarigha wiza cheklimisini yolgha qoyush üchün heriketke ötti» dédi.

u bügün wiza cheklimisi yolghan qoyulghanlarni öz ichige alghanda bélarusiyediki 2020-yili ötküzülgen saylamdin tartip 322 kishige wiza cheklimisi ijra qilinghanliqini eskertti.

sywatlana tsixnanowskaya 2020-yili bélarusiyede ktküzülgen saylamda pirézidént aléksandér lukashénkogha qarshi namzat bolghan bolup, saylamdin kéyin litwaniyege qéchip ketken idi.

bélarusiye sirtida yashawatqan nurghun siyasiy paaliyetchiler bilen sywatlana tsixnanowskayani «wetenge xainliq» qilish bilen eyiblep ghayibane sotqa tartish ishliri, tünügün (2023-yili 17-yanwar) minskta bashlanghan idi.