amérikaning kaliforniye ishtatida boran we shiddetlik yamghur sewebidin 19 kishi qaza qildi
amérikaning kaliforniye ishtatida yüz bergen boran we shiddetlik yamghur sewebidin qaza qilghanlarning sani 19gha örlidi. 8 milyon kishi yashaydighan ishtatta kelkün xewipi dawamlashmaqta.
türkiye awazi radiyosi xewiri: kaliforniye géologiyelik tekshürüsh idarisining bayanatida, déngiz qoltuqi rayoninimu öz ichige alghan texminen 8 milyon kishi yashaydighan rayonda kelkün xewipining dawamlishiwatqanliqi we rayondiki hawa rayi hadisilirining yéqindin közitiliwatqanliqi bildürüldi.
bayanatta, 30 - dékabirdin (2022) buyan kaliforniye ishtatida 400 din artuq tagh siyrilip chüshüsh weqesi yüz bergenliki we dawamlishiwatqan shiddetlik yamghurning topiliq yerlerde yéngi lay kelküni we tagh siyrilip chüshüsh weqelirini keltürüp chiqirshi mumkinliki uqturuldi.
kaliforniyening yerlik mesulliri we taratqulirining xewirige asaslanghanda, 27 - dékabirdin (2022) buyan dawamlashqan qattiq boran we shiddetlik yamghur sewebidin yene 2 kishi jénidin ayrilip, omumiy qaza qilghanlarning sani 19 gha örligen.
döletlik hawa rayi idarisi (NWS) ning mesuli dawid lawréns twittérda hembehirligen uchurida: «seyshenbe künige kirginimizde ishtatning köp qisim jaylirida hawa rayining tinchlinishini ümid qilmaqtimiz» dédi we hepte axirighiche yamghur yaghmaydighanliqining mölcherliniwatqanliqini éytti.
