stolténbérg bosniye – gértségowina pirézidént kéngishining ezasi dénis békirowich bilen körüshti
shimaliy atlantik ehdi teshkilati-nato bash katipi stolténbérg bélgiye paytexti biryusséldiki nato qarargahida, bosniye – gértségowina pirézidéntliq kéngishining boshnaq ezasi dénis békirowich bilen bir yerge jem boldi.
türkiye awazi radiyosi xewiri: shimaliy atlantik ehdi teshkilati-nato qarargahi teripidin élan qilinghan bayanatta bildürülüshiche, nato bash katipi stolténbérg rayonda muqimliqning nahayiti muhimliqini, buning natgha nisbeten istiratégiyelik ehmiyetke ige ikenlikini tekitligen.
u bosniye-gértségowina hökümitining dawamliq islahatqa ehmiyet bérishi kéreklikini qeyt qilghan, hemde her derijilik köp milletlik organlarni saqlap qélishi lazimliqini otturigha qoyghan.
bayanatta tekitlinishiche, ikki rehber, yaman gherezlik chet el paaliyetlirige zémin hazirlap béridighan bölgünchilik xaraktérlik söz – heriketlerge munasiwetlik endishelerheqqide söhbet élip barghan.
bash katip stolténbérg yene, bosniye – gértségowinadiki barliq siyasiy rehberlerni bölgünchilik xaraktérlik bayanatlardin yiraq turushqa we ichki yarishish üchün konkrét qedemlerni tashlashqa chaqirghan.
