shiwétsiye bash ministiri: türkiyening qararigha hörmet qilimiz
shiwétsiye bash ministiri ulf kiristérson dölitining shimaliy atlantik ehdi teshkilati-natogha eza bolushi mesiliside, türkiyening chiqiridighan qararigha hörmet qilidighanliqini éytti.
türkiye awazi radiyosi xewiri: shiwétsiye bash ministiri ulf kiristérson paytext sitokholmda yawropa ittipaqi kéngishining bashliqi charléz mishél bilen bir yerge jem boldi.
u, uchrishishtin kéyin ötküzgen qoshma axbarat élan qilish yighinida, nato muzakirilirining türkiye bilen normal yönilishte dawamlishiwatqanliqini eskertip mundaq dédi: «méningche, türkiye shiwétsiyening natogha eza bolushini testiqlash mesiliside ijabiy pozitsiye tutmaqta. axirida, bu mesilide qararni türkiye chiqiridu.»
kiristérson natoezasi 28 döletning shiwétsiyening natogha eza bolushini testiqlighanliqini tekitlep mundaq dédi: «biz her bir döletning testiqlash basquchigha hörmet qilimiz. shiwétsiye bilen finlandiye, türkiye bilen (iyun éyida nato bashliqlar yighinida imzalanghan) üch tereplik kélishim layihesining belgilimilirige emel qilmaqta. ilgirimu otturigha qoyghinimizdek, türkiyening shiwétsiyedin bezi shexslerni qayturup bérish telepliri mesiliside edliye tarmaqliri qarar chiqiridu. men türkiyening biz toghruluq chiqiridighan qararigha hörmet qilimen.»
