nigériyede boko haram nishan qilinghan herbiy herikette 40 kishi öltürüldi

türkiye awazi radiyosi xewiri: nigériye taratqulirining xewer qilishiche, döletning nigér ölkiside térrorluq teshkilati boko haram ezalirigha qarshi herbiy heriket élip bérilghan.

bu jeryanda,  teshkilatning «tutush buyruqi chiqirilghanlar tizimliki» diki ebu ubeyde we mallam yüsüf abba isimlik  yuqiri derijilik ikki mesulinimu öz ichige alghan kem dégende 40 kishi öltürülgen.

igilinishiche, 2000 – yillarning bashliridin buyan térrorluq paaliyetlirini élip bériwatqan boko haramning 2009 – yildin buyanqi térrorluq hujumlirida, 20 mingdin artuq kishi jénidin ayrilghan.

térrorluq teshkilati boko haram 2015 – yildin buyan nigériyening qoshniliri kaméron, chad we nigérghimu köp qétim hujum qilghan. teshkilatning «‹ chad köli› oymanliqi» da élip barghan hujumlirida, kem dégende 2 ming kishi qaza qilghan.

nigériyede térrorluq hujumliri we toqunushlar sewebidin yüz minglarche kishi öy – makanlirini terk étip, bashqa jaylargha köchüp kétishke mejbur bolghan.