xitay noposi azayghan, iqtisadi chékingen

türkiye awazi radiyosi xewiri: xitay memliketlik istatistika idarisi dölet nopusining 1 milyard 411 milyon ikenlikini élan qildi.

xitayda tughut nisbiti ming kishi ichide 6.77, ölüm nisbiti ming kishide 7.37 bolup, xitayning dunyada «nopusi eng köp dölet» dégen unwanini, bu yil (2023) hindistangha ötküzüp béridighanliqi bildürülmekte.

xitayda bir perzentlik bolush pilanliq tughut siyasiti ilgiriki yillarda emeldin qaldurulghan bolsimu, turmush tennerxining yuqiri bolushi sewebidin aililer perzentlik bolushtin qachmaqta.

xitay memliketlik istatistika idarisi élan qilghan melumatlar, xitay iqtisadiningmu chékingenlikini körsitip bermekte. buninggha asaslanghanda, xitay iqtisadi 2022-yilda %3 ashqan bolup, %5 lik nishandin xélila töwen bolghan. xitay iqtisadi wuxen wirusi (Kovid-19) partlighan 2020-yilda %2.8 ashqan.

xitayda ötken yili (2022) qattiq ijra qilinghan wuxen wirusigha munasiwetlik nöl weqe siyasiti, iqtisadiy paaliyetlerni toxtap qélish nuqtisigha élip kelgen idi.