rusiye qisimliri bab nahiyesige orunlishishqa bashlidi

türkiye awazi radiyosi xewiri: rusiye herbiy qisimliri süriye öktichilirining kontrolluqidiki bab nahiyesining jenubigha jaylashqan ebu jebbar yézisi etrapida 11-yanwardin (2023) tartip orunlishishqa bashlidi.

beshshar esed hakimiyiti küchlirining kontrolluqidiki ebu jabbar yézisi bab nahiyesi jaylashqan aldinqi sepke besh kilométir kélidu.

bab nahiyesi türkiye emelge ashurghan firat qalqini herbiy herikiti bilen 2017-yili féwralda térrorluq teshkilati daéshtin tazilanghan idi.

süriye weziyitige 2015-yili 30-séntebir qol tiqqan rusiye, beshshar esed hakimiyitini qollap kelmekte.

beshshar esed hakimiyitining kontrolluqidiki rayonlarda mewjut bolup turuwatqan rusiyening, haseke, raqqe wilayetliri, helebning munbich, tél rifat we kobani nahiyeliride, bölgünchi térrorluq teshkilati y p g| p k k térroristlirining ishghali astidiki jaylardimu nurghun herbiy baziliri we herbiy nuqtiliri bar.

rusiyening süriyening gherbidiki lazqiye wilayitide himeymim hawa armiye bazisi bar, emma tartus wilayitide hazirche herbiy bazisi yoq.