b d t xelqara jemiyetni balilar üchün jiddiy heriket qollinishqa chaqirdi
birleshken döletler teshkilati organliri xelqara jemiyetni misli körülüp baqmighan yémeklik we ozuqluq kirizisining tesirige uchrawatqan 30 milyondin artuq mudapiesiz halettiki balilarni qoghdap qélish üchün jiddiy heriket qollinishqa chaqirdi.
türkiye awazi radiyosi xewiri: birleshken döletler teshkilati teripidin élan qilinghan bayanatta bildürülüshiche, toqunushlar, kilimat özgirishi, «kowid – 19» yuqumining dawamlishiwatqan tesiri we turmush tennerxining künséri éship kétishi qatarliq amillar, milyonlighan balilarning ozuqluq yétishmeslikini keltürüp chiqarmaqta iken. shuning bilen bir waqitta, omumiy saghlamliq, ozuqluq qatarliq muhim mulazimetlerge érishish barghanséri qiynlashmaqta iken.
dunya miqyasidiki qiyinchilarning tesirge uchrighan 15 dölettiki 30 milyondin artuq bala ozuqluq yétishmeslik kirizisige duch kelmekte iken. bu ehwal, balilarning hayati, uzun muddetlik saghlamliqi we ösüp yétilishi üchün zor qiyinchilaqlarni élip kelmekte iken.
birleshken döletler teshkilati organliri, bu kirizisning insaniy tiragédiyege aylinip ketmesliki üchün, xelqara jemiyetni birleshken döletler teshkilatining yétekchilikide «hel qilghuch we waqtida heriket qilish» qa chaqirdi.
