tokyo xitayning yaponiye puqralirigha wiza bérishni toxtitishigha naraziliq bildürdi

türkiye awazi radiyosi xewiri: hepte axirida xitayning kowid-19 yuqumining aldini élish tedbirlirini bikar qilip, chégralirini échiwétishidin kéyin, yaponiye hökümiti  dölet tewelikige kiridighan xitay puqralirining yuqum tekshürüshidin ötüshini shert qildi. béyjing tokyoning bu siyasitige naraziliq bildürüp, yaponiye puqralirining wiza resmiyetlirini waqtinche toxtatti.

yaponiye kabinétining bash katipi matsono xirokazu, xitayning wiza bérishni toxtitish qararini «kowid -19 tedbirliridin halqighan sewebler» tüpeyli chiqarghanliqini ilgiri sürdi.

u «bir tereplime we intayin epsuslinarliq» wiza bérishni toxtitish qararigha naraziliq bildürgenliklirini eskertip, xitayni mezkur qararini qayturuwélishqa chaqirdi.

tokyo hökümitining xitay puqralirini mejburiy yuqum tekshürüshidin ötküzüsh siyasitini aqlighan matsono, bu tedbirning wirustin yuqumlanghuchilarning yaponiyege birdinla éqip kirishining aldini élishni meqset qilidighanliqini bildürdi.

xitay 8-yanwar(2023) kowid-19 yuqumi otturigha chiqqandin kéyin yolgha qoyghan chégra kontrol tedbirlirini bikar qilip, dunyagha ishiklirini échiwetkenidi.