shiwétsiyede türk siyasetchi merkez partiyesining namzatliqigha saylandi

türkiye awazi radiyosi xewiri: shiwétsiye merkez partiyesi parlamént ezaliri partiye rehbiri anni léf (Annie Lööf) kongrede namzat bolmaydighanliqini élan qilghandin kéyin, muherrem demirok, daniyél bekström (DanielBackström) we élézabés tandringkwistni (Elisabeth Thand Ringqvist) namzatliqqa körsetken idi.

merkez partiyesi kéngesh heyiti teripidin élan qilinghan bayanatta, 2-féwral ötküzülidighan kongrede muherrem demirokning yalghuz namzat bolidighanliqi qeyt qilindi.

bayanatta, muherrem demirokning yaxshi alaqe iqtidarigha we partiyege rehberlik qilalaydighan sewiyege ige ikenliki eskertildi.

muherrem demirok bu heqte bayanat élan qilip, özi üchün intayin muhim muhim bir künning bolghanliqini éytti.

merkez partiyeside 21 yildin buyan siyaset bilen shughullanghan muherrem demirok,  linkopik shehiride 12 yil boyiche muhit we énérgiye ishlirigha mesul sheher bashliqi bolghan idi. u konya wilayitining kulu nahiyesidin shiwétsiyege köchmen bolup olturaqliship qalghan bir ishchi ailisining perzenti bolup, 11-séntebirde (2022) ötküzülgen saylamda merkez partiyesining parlamént ezasi bolup saylanghan idi.

merkez partiyesining parlaméntta 24 ezasi bar. shiwétsiyediki beshinchi chong partiyesi bolup hésablinidu.