kaliforniyediki apetlerde jénidin ayrilghanlarning sani ashti

türkiye awazi radiyosi xewiri: amérika métérologiye idarisi nachar hawa rayining ishtatning jenubida yaxshilinishqa bashlighanliqini eskertip, etidin (13-yanwar) bashlap shimal terepte shiddetlik yamghur we boran dolqunining körülüshi mumkinliki toghrisida agahlandurushta boldi.

mesul dairiler, kelkün, tagh gömürülüsh, boran we chaqmaq chéqish qatarliq weqelerde yene, ikki kishining jénidin ayrilishi bilen ölüm sanining 17 ge chiqqanliqini bildürdi.

kaliforniye waliysi gawin niyusom (Gavin Newsom) ölüm sanining éshish éhtimalining chong ikenlikini éytti.

u kaliforniyediki 58 rayonning yérimidin köpirekide «apet rayoni» élan qilinghanliqini qeyt qildi.

ishtatning jenubida shiddetlik yamghur we boranning aziyishi bilen, tarqaqlashturulghan 35 ming kishining bir qismining öylirige qaytishigha ruxset qilindi. éléktr linyeliri we buzghunchiliqqa uchrighan yollarni rémont qilish ishliri bashlandi.