israiliye küchliri bir pelestinlikni yarilandurdi
israiliye küchlirining iyordan deryasining gherbiy qirghiqidiki basturush heriketliri dawamida bir pelestinlik yarilandi, 15 pelestinlik qolgha élindi.
türkiye awazi radiyosi xewiri: shahitlarning bildürüshiche, israiliye dölet xewpsizlik küchliri, nablus shehirining sherqidiki «balata musapirlar lagéri» gha bésip kirip, lagér etrapidiki bir öyning etrapini qorshighan. bu jeryanda israiliye küchliri bilen onlarche pelestinlik otturisida toqunush yüz bérip, bir pelestinlik yarilanghan.
pelestin qizilay jemiyitining bildürüshiche, israiliye küchliri yarilandurghan 20 yashlash chamisidiki pelestinlik, rufeyde dölet doxturxanisigha orunlashturulghan bolup, ehwali éghir iken.
pelestin esirler jemiyitining bildürüshiche, iyordan deryasining gherbiy qirghiqining oxshimighan rayonlirida 15 pelestinlik qolgha élinghan.
igilinishiche, israiliye dölet xewpsizlik küchliri, ishghal astidiki iyordan deryasining gherbiy qirghiqi we sherqiy quddusta pat - pat basturush heriketlirini élip baridiken, hemde pelestinliklerni her xil jinayetler bilen eyiblep, tutqun qilidiken.