amérika pirézidéntliri mexpiy höjjetler sewebidin küntertiptin chüshmey kelmekte
sabiq pirézidént donald tramptin kéyin, bu qétim hazirqi pirézidént jo baydin muhim tenqid obyéktigha aylandi.
türkiye awazi radiyosi xewiri: jo baydinning xususiy ishxanisida sabiq pirézidént barak obama dewridiki muawin pirézidéntlardin qalghan «döletke tewe mexpiy höjjetler» tépildi.
aqsaray mezmuni ashkarilanmighan mezkur höjjetlerning edliye ministirliqi teripidin tekshürülüwatqanliqini élan qildi.
jo baydin bolsa, ishxanisidin mexpiy höjjetlerning tépilghanliqigha heyran qalghanliqini éytti.
baydin méksikadiki uchrishishliridin kéyin axbarat élan qilish yighinida qilghan sözide, höjjetlerning mezmunini bilmeydighanliqini éytti.
amérikaning «CNN» téléwiziye qanili mexpiy höjjetlerning ichide ukraina, iran we engliye toghruluq istixbariy melumatlar shundaqla buyruqlarningmu barliqini ilgiri sürdi.
témigha yéqin bir menbeni asas qilghan xewerde, mezkur höjjetlerning 2013 - we 2016 - yillarni öz ichige alidighanliqi bildürüldi.
bu yéngi ehwal amérikada yéngi munazirelerge yol achti. sabiq prézidént tramp baydingha naraziliq bildürüp: «fédératsiye tekshürüsh idarisi (FBI) baydinning öyige, hetta aqsaraygha qachan bésip kirip tekshürüsh élip baridu?» dep soal soridi.
fédératsiye tekshürüsh idarisi ilgiri tirampning floridadiki öyini axturush jeryanida texminen 100 ge yéqin mexpiy höjjetni qolgha chüshürgen idi.
tekshürüshte, «eng mexpiy» dep tamgha urulghan höjjetler tépilghan idi.
