marakesh padishahi yüzlerche tutqun we mehbusni kechürüm qildi

türkiye awazi radiyosi xewiri: marakesh edliye ministirliqi yazma bayanat élan qilip, her xil jinayetler bilen eyiblengen 707 tutqun we 284 mehbusning padishah altinchi muhemmedning kechürüm qararidin behrimen bolghanliqini uqturdi.

marakeshte alahide künlerning enenisige aylanghan padishah kechürümnamisi sayisida bezi mehbuslar qoyup bérilidu, bezi mehbuslarning jaza mudditi qisqartilidu.

marakesh milliy azadliq herikiti bilen eyni waqitta sürgünde yashawatqan padishah beshinchi muhemmed birlikte teyyarlighan höjjetler «marakeshning musteqilliq höjjiti» dep atilidu. mezkur höjjetler 1944-yili 11-yanwar firansiye mustemlikichi organlirigha sunulghan, kéyinche marakeshning musteqilliqi üchün tunji resmiy qedem tashlanghan 11-yanwar dem élish küni qilip békitilgenidi.