rusiyedin pakistangha 300 ming tonna bughday yetküzüldi

türkiye awazi radiyosi xewiri: pakistan taratquliridiki xewerlerde bildürülishiche, rusiyedin 300 ming tonna bughday bésip pakistangha qarap yolgha chiqqan ikki yük paraxoti karachi portigha yétip kelgen.

mesul dairiler, rusiyedin yene 400 ming tonna bughdayning 30-martqiche (2023) gwadar portigha yétip kélidighanliqini bildürgen.

rusiyedin import qilinghan bughdayning pakistandiki un yétishmeslik mesilisini yiniklitidighanliqi qeyt qilinmaqta.

pakistanda un bahaliri, pul paxalliqi we barghanséri yamanlishiwatqan iqtisadiy weziyet sewebidin örlep ketken idi.

pakistanning sind ishtatida 8-yanwarda (2023) dölet teripidin sétip bérilgen töwen bahaliq un almaqchi bolghan amma arisida qistangchiliq yüz bérip bir adem jénidin ayrilghan we nurghun adem yarilanghan idi.