rusiye 2023-yili istratégiyelik qorallarni tereqqiy qilduridu

türkiye awazi radiyosi xewiri: rusiye dölet mudapie ministiri sérgéy shoygu: «yadro qalqini igilik hoquqimiz we zémin pütünlükimizning tüp kapalitidur» dédi.

 u moskwada dölet mudapie ministirliqining mesulliri bilen ötküzgen yighinda, 2023-yilliq xizmetler üstide toxtaldi.

u 2023-yilida yétidighan asasliq nishanning, rusiye armiyesining urush iqtidarini tereqqiy qildurush üchün keng dairilik tedbirlerni yolgha qoyush ikenlikini tekitlidi.

u mundaq dédi:

«armiyemizning ukraina we süriyediki herbiy heriket tejribilirini izchil analiz qilip, telim-terbiye pirogrammiliri we herbiy üskünler bilen teminlesh pilanlirini teyyarlashta paydilinishimiz kérek.»

 u yene, rusiyening «üch yadro qorali» dep atighan istratégiyelik ayropilanlar, qiteler ara bashqurulidighan bombilar we su asti paraxotidin teshkillengen iqtidarini dawamliq tereqqiy qilduridighanliqini tekitlep: «dawamliq üch yadro qoralini tereqqiy qildurimiz we urushqa teyyarliq sewiyesini saqlap qalimiz. yadro qalqini igilik hoquqimiz we zémin pütünlükimizning tüp kapalitidur» dédi.

u urush ayropilanliri we uchquchisiz hawa apparatlirini öz ichige alghan rusiye hawa armiyesining qabiliyitini kücheytidighanliqlirini eskertip: «aldin ehmiyet béridighan pilanlirimiz arisida zamaniwi hujum qoralliridin terkib tapqan qoral-yaraghlirimizni kéngeytishmu bar» dédi.