xitaydin kélidighan yoluchilargha qarita yawropa döletliri muhim tedbirlerni yolgha qoyushqa kélishti
xitayda kowid-19 yuqumi yuqiri pellige chiqqanliqi sewebidin yawropa ittipaqi döletliri we yawropa ittipaqigha eza bolmighan shéngén döletliri özara mas qedemlik tedbirlerni yolgha qoyush kélishimi tüzdi.
türkiye awazi radiyosi xewiri: yawropa ittipaqi döletliri yawropa ittipaqining alaqidar organliri we shéngéngha eza döletlerning krizisni bashqurushqa mesul emeldarliri bélgiyening paytexti biryussélda bir yerge jem bolup, xitaydiki yuqumning ewj élishigha qarita qandaq qilish toghrisida muzakirileshti.
yighin axirida yawropa ittipaqi kéngishining nöwetchi reislikini qiliwatqan shiwitsiye bayanat élan qilip, xitaygha baridighan we xitaydin kélidighan barliq yoluchilarning tibbiy maska taqishini tewsiye qilish qarari maqullanghanliqini bildürdi.
yighinda élinghan qararlarda, xitaydin kélidighan yoluchilarning biwaste kowid-19 tekshürüshidin ötüshi mejburi halgha keltürülmidi. lékin yawropa ittipaqi döletlirining xitaydin kelmekchi bolghan yoluchilardin uchushtin 48 saet burun kowid-19 tekshürüshidin ötkenlikige dair höjjet körsitishni «küchlük teshwiq qilidighanli» bildürüldi.
yawropa ittipaqigha eza döletler yene, xitaydin kélidighan ayropilanlarning yundi sülirini tekshürüsh we yoluchilardin ewrishke élip, késellik ehwalini teqip qilish üchün gén tertipini tekshürüsh kérekliki heqqidimu birdeklik haesil qildi.
yawropa ittipaqi döletliri mushu ayning otturilirida xitayning weziyitigni qaytidin muzakrilishidighan boldi.
xitay aldinqi ayning béshida kowid -19 tedbirlirini boshashturghandin kéyin, xitayda ewj élishqa bashlighan yuqum we keng kölemde tarqilishidin ensirewatqan nurghun döletler xitaydin kélidighan sayahetchilerge tedbir qollinidighanliqini élan qilghan idi.
مۇناسىۋەتلىك خەۋەرلەر
