élon mask amérikaning tiwittérdiki 250 ming hésabni taqashni telep qilghanliqini ashkarilidi
tiwittér we shirkitining xojayini élon mask amérika dairilirining twittérdiki 250 ming hésabni taqashni telep qilghanliqini bildürdi.
türkiye awazi radiyosi xewiri: élon mask «tiwittér höjjetliri» namida dawamlashturiwatqan ashkarlashlarning 11 – sini erkin zhurnalist mat teybbi arqiliq élan qildi.
élon mask mat teybbining yazmisini hembehirlep, «amérika dairiliri zhurnalistlar we kanada emeldarlirinimu öz ichige alghan 250 ming hésabni taqashni telep qildi» dédi.
zhurnalist teybbi hembehirligen bir uchurida, amérika yershari öz-ara tesir körsitish merkizi (GEC) ning doklatining amérika ichki bixeterlik ministirliqi (DHS) ning sanliq melumatlirini menbe qilidighanliqini tekitlep, taqilishi telep qilinghan hésablarning ichide «2 yaki uningdin köprek» resmiy hésablarningmu barliqini bildürdi.
élon mask uzun mezgildin buyan tiwittérning sabiq bashqurghuchisining organ ichi yézishmilirini bir guruppa zhurnalistlar bilen hembehirlshiship ashkarilashni dawamlashturmaqta.
tiwittérning yéngi bashqurghuchisi we musteqil zhurnalistlarning «tiwittér höjjetliri» dep atilidighan bu bir qatar tiwittér uchurliri, tiwittérning sabiq bashqurghuchisining siyasiy köz qarashliri sewebidin hembirlengen uchurlargha terepbazliq bilen mudexile qilghanliqini ashkarilidi.
hazirgha qeder ashkarilanghan uchurlarda, amérika pirézidénti jo baydin guruppisining telipige binaen saylam jeryanida ashkarilanghan baydinning oghli xontér baydéngha ait uchurlarning cheklinishi, donald trampning hésabining toxtitilishi, shundaqla tiwittérning sabiq bashqurghuchisining amérika armiyesining ottura sherqtiki teshwiqatliri üchün suyiistimal wastisi bolup bergenliki ashkarilanghan idi.
