ukrainaning paytexti kiyéwda 2022 - yilining axirqi künidimu partilash awazliri yangridi
rusiye qisimlirining hawa hujumida 1 kishi qaza qilip, nurghun kishi yarilandi. hujumda bir méhmanxana ziyangha uchridi. yérim kéchidin kéyin sheherde partlashlar yüz berdi.
türkiye awazi radiyosi xewiri: sheher bashliqi witali klichko: «rusiyening hujumigha qarshi hawa mudapie sistémisimiz aktip heriket qilmaqta» dédi.
rusiyening hujumliri ukrainaning bashqa sheherliridimu dawamlashmaqta. himélnitskiy shehiridiki hujumda 4 kishi yarilandi.
ukraina pirézidénti wolodimir zélénskiy rusiyening kiyéwgha qilghan hujumigha naraziliq bildürdi. eng shiddetlik toqunushlarning donbas rayonida yüz bériwatqanliqini eskertti.
zélénskiy ukraina armiyesining asasen dégüdek orunlirini qoghdawatqanliqini, bezi rayonlarda asta - asta algha ilgirilewatqanliqini, 2023 - yili ukrainaning hawa mudapiesining téximu küchiyidighanliqini bildürdi.
zélénskiy yéngi yilliq uchurida, « ghelbige qarap ilgirileshni dawamlashturimiz» dédi.
rusiye pirézidénti wiladimir putinmu 9 minutluq yéngi yilliq uchurida gherb döletlirining rosiyeni yoqitish üchün ukrainani ishlitiwatqanliqini ilgiri sürdi we bu ehwalgha qarita «külkilik» dep baha berdi.
rusiye dölet mudapie ministiri sérgéy shoygu bolsa, yéngi yilliq sözide, rusiye armiyesige xitab qilip, «ghelbimiz yéngi yil kelgenge oxshashla muqerrerdur» dédi.
rusiye bilen ukraina otturisidiki esirlerni almashturushmu dawamlashmaqta. esir almashturush dairiside, 82 rusiyelik we 140 neper ukraina eskiri qoyup bérildi.
مۇناسىۋەتلىك خەۋەرلەر
