جو بايدىن پاپا 16 - بېنېدىكتۇس ئۈچۈن تەزىيەنامە ئېلان قىلدى
ئامېرىكا پىرېزىدېنتى جو بايدىن ۋاتىكاننىڭ سابىق پىرېزىدېنتى ۋە كاتولىكلارنىڭ سابىق مەنىۋى داھىيسى ئېمېرىت پاپا 16 - بېنېدىكتۇس ئۈچۈن تەزىيەنامە ئېلان قىلدى.
تۈركىيە ئاۋازى رادىيوسى خەۋىرى: ئاقساراي تەرىپىدىن ئېلان قىلىنغان يازما باياناتتا، بايدىننىڭ ئايالى جىل بايدىن ۋە دۇنيانىڭ ھەرقايسى جايلىرىدىكى كاتولىكلار بىلەن بىرلىكتە پاپا 16 - بېنېدىكتۇس ئۈچۈن ماتەم تۇتقانلىقى بىلدۈرۈلدى.
باياناتتا، 16 - بېنېدىكتۇس ئۈچۈن «پىرىنسىپلىرى ۋە ئېتىقادىنىڭ يېتەكچىلىكىدە چېركاۋغا بىر ئۆمۈر ساداقەتمەن بولغانلىقى بىلەن داڭق چىقارغان ئىلاھىيەتشۇناس سۈپىتىدە ئەسلىنىدۇ» دېگەن ئىبارىلەر ئىشتىلدى.
پاپا 16 - بېنېدىكتۇس تۈنۈگۈن ۋاتىكاندىكى ماتېر ئېجلېسا موناستىرىدا 95 يېشىدا ۋاپات بولغان ئىدى.
ئۇنىڭ ھەقىقىي ئىسمى جوسېف راتزىنگېر بولۇپ، كاتولىكلارنىڭ مەنىۋى داھىيلىقىغا سايلانغاندىن كېيىن «پاپا 16 - بېنېدىكتۇس» دەپ نام ئالغان ئىدى. ئۇ 2013 – يىلى پاپالىق ۋەزىپىسىدىن ئايرىلغاندىن بۇيان ۋاتىكاندا يالغۇز ئىبادەت بىلەن خىلۋەتتە ئۆتمەكتە ئىدى.
مۇناسىۋەتلىك خەۋەرلەر
سىلوۋېنىيە پەلەستىننى ئېتىراپ قىلىدۇ
سىلوۋېنىيەنىڭ 13-ئىيۇنغىچە پەلەستىن دۆلىتىنى ئېتىراپ قىلىش توغرۇلۇق قارار چىقىرىشى كۈتۈلمەكتە.
ئافغانىستان ساقچىلىرى ھۇجۇمغا ئۇچرىدى
ئافغانىستان بومبىلىق ھۇجۇم قىلىش ۋەقەسى يۈز بېرىپ، ئۈچ ساقچى قازا قىلدى، بەش ساقچى يارىلاندى.