putin erdoghanning yéngi yilini tebriklidi
rusiye pirézidénti wladimir putin dölitimiz (türkiye jumhuriyiti) jumhur reisi rejep tayyip erdoghanning yéngi yilini tebriklidi.
türkiye awazi radiyosi xewiri: krémil sariyining bildürüshiche, rusiye pirézidénti wladimir putin jumhur reis rejep tayyip erdoghangha yéngi yilini tebriklep yollighan télégrammisida, rusiye – türkiye otturisidiki munasiwetlerning musheqqetlik bir yilgha qarimay muweppeqiyetlik ötkenlikini eskertken.
«‹aqquyu› yadro éléktir istansisi» we türkiyede qurulushi pilanliniwatqan tebiiy gaz merkizini öz ichige alghan énérgiye sahesidiki asasliq layihelerning dawamlishiwatqanliqini qeyt qilghan putin, döletlerning birlikte heriket qilip, yawro-asiya qiteside muqimliq we bixeterlikni kücheytish üchün, rusiye-türkiye otturisidiki hemkarliqni téximu tereqqiy qildurushni ümid qilidighanliqini bildürgen.
bayanatta tekitlinishiche, putin yene, musteqil döletler birleshme gewdisige eza döletlerning rehberliridin bashqa, xitay dölet reisi shi jinping, hindistan bash ministiri naréndra modi, gérmaniyening sabiq bash ministiri gérxard shrodér we italiyening sabiq bash ministiri silwiyo bérluskoni qatarliq rehberlerningmu yéngi yilini tebrikligen.
