xitay xelqara ayropilan seperlirige qoyulghan cheklimilerni emeldin qalduriken

türkiye awazi radiyosi xewiri: xitay xelq awiyatsiye idarisi wuxen wirusi sewebidin xelqara ayropilan seperlirige qoyulghan cheklimilerning emeldin qaldurulidighanliqi toghrisida bayanat élan qildi.

bayanatta, 8-yanwardin (2023) tartip xelqara ayropilan seperlirige qoyulghan cheklimilerning ijra qilinmaydighanliqi qeyt qilindi.

bildürülishiche, hawa yoli shirketlirige xitaydin chet ellerge we chet ellerdin xitaygha heptide bir ayropilan sepiri bolushi hemde ayropilan tolush nisbitining %75 bolushi telep qilinghan belgilime emeldin qaldurulidiken.

xitay we chet el hawa yoli shirketliri ayropilan tiransiporti kélishimi boyiche xelqara ayropilan seperlirini dawamlashturalaydiken.

xitay dairiliri xitaydin chet elge uchidighan ayropilan seperliridiki wuxen wirusigha munasiwetlik weqe sanigha asasen «xeterlik» hésablighan ayropilan seperlirini toxtitish tedbiri emeldin qaldurulidiken. ayropilan xadimliri üchün yolgha qoyulghan salametlik tekshürütüsh we karantin tedbirlirimu emeldin qaldurulidiken.

xitay xelq awiyatsiye idarisi yerlik we chet el hawa yoli shirketlirining xelqara ayropilan seperliri üchün sunghan iltimasini qedem-basqchuluq halda qobul qilishning bashlidighanliqini bildürdi.

xitay sehiye komitéti 26-dékabir (2022) wuxen wirusigha 2023-yili 8-yanwardin bashlap «Aderijilik yuqumluq késel» süpitide muamile qilinmaydighanliqini, chégra éghizliri we tamozhnilarda karantin qilish cheklimilirining emeldin qaldurulidighanliqini élan qilghan idi.

yéngi belgilime boyiche chet ellerdin xitaygha kelgen yoluchilarning sayahitidin ilgiri xitay elchixanisi yaki konsulxaniliridin salametlik kodi élishining mejburiy bolmaydighanliqi, xitaygha kelgendiki wirus tekshürüshliride musbet chiqqan ehwaldimu karantin qilinmaydighanliqi qeyt qilinghan idi.