krémil kosowu-sérbiye ziddiyiti toghrisidiki eyibleshlerni ret qildi

türkiye awazi radiyosi xewiri: krémil sariyi bayanatchisi dmitriy péskow moskwada muxbirlarning soallirigha jawab bergende, sérbiye bilen kosowu otturisida yuqiri pellige örligen ziddiyetler üstide toxtaldi.

u rayondin kelgen rusiyege qaritilghan eyibleshlerni ret qilidighanliqlirini bildürüp: «sérbiye igilik hoquqluq dölet. bu yerde rusiyening buzghunchiliq xaraktérlik tesirini izdesh xata. sérbiye elwette qiyin sharaitlar astida yashawatqan sérblarning heq-hoquqini qoghdimaqta, shunga bu heq-hoquqlar dexli-teruzge uchrighanda qattiq inkas qayturidu» dédi.

u yene, rusiyening weziyetni yéqindin közitiwatqanliqini eskertip: «sérblarning heq-hoquqlirining qandaq kapaletke ige qiliniwatqanliqigha munasiwetlik özgirishlerni yéqindin közitiwatimiz. tashlanghan qedemlerde bélgradni qollaymiz» dédi.

sabiq sérb saqchi xadimi dézhan pantijning qolgha élinishi bilen, kosowu-sérbiye munasiwiti yirikleshken idi.

kosowudiki sérblar pantijning qolgha élinishigha naraziliq bildürüp, 10-dékabir (2022) tartip zharinzhé we bérnzhak chégra éghizlirida tosuq qurup nöwette turmaqta.

sérbiye 2008-yili öz aldigha musteqilliqini jakarlighan kosowani öz zémini dep qaraydu.