jenubiy koréyede jame qurulushini dawamlashturush üchün iltimas sunuldi

türkiye awazi radiyosi xewiri: jenubiy koréyede yerlik dairilerning sot qararini ijra qilishni xalimasliqidin biaramliq hés qilghan bir kishilik hoquq guruppisi, b d t ning diniy erkinlik doklatchisidin jame qurulushining dawamlishishi üchün bésim qilishni we choshqa kallilirining éliwétilishini telep qildi.

jenubiy koréye dairilirining jame jaylashqan kochigha qoyulghan choshqa kallilirini éliwétish telipige diqqet qilmasliqi sewebidin b d t gha iltimas sunulghanliqi bildürüldi.

b d t mesuligha ewetilgen iltimasta, jenubiy koréye hökümiti we yerlik dairilerni «melum din yaki irqni asas qilghan her qandaq kemsitishni ashkara eyibleshke, daégudiki barliq hökümet emeldarlirini diniy bitereplik we irqchiliqqa qarshi turush toghrisida terbiyeleshke, barliq ziyanlarni töleshke chaqiriq qilish» telep qilindi.

iltimasta, jame sélishqa qarshi chiqquchilarning qurulush ornigha kirishni tosqanliqi we jame qurulushigha yéqin jaylargha choshqa kallilirini qoyup qoyghanliqi qeyt qilindi.

eskertilishiche, yerlik dairiler «mexsus sétiwélinghan we <paydiliq mehsulatlar> bolghan choshqa kallilirini, ahaliler qoshulmastin éliwétish hoquqining yoqluqi» ni éytqan.

daégu shehiride qurulushi dawamlishiwatqan jamening sélinishigha 2020-yili ruxset qilinghan bolup, bu jay ilgiri meschid qilip ishlitilgen.

jame qurulushining dawamlishishi toghrisida sotning qarari bolsimu, rayon xelqi qurulushqa tosqunluq qilmaqta.