marakeshte partlash yüz berdi
marakeshning gherbiy shimaligha jaylashqan muhemmediyye shehiridiki bir tebiiy gaz iskilatida partlash yüz berdi.
1922647
türkiye awazi radiyosi xewiri: marakeshning el-umk elmeghribi tor béti «afriqa gaz» namliq shirketning gaz béki tolduridighan merkizining yénidiki tebiiy gaz iskilatida partlash yüz bergenlikini xewer qildi.
muhemmediyye shehirining asasen dégüdek hemmila yéridin anglinip küchlük wehime peyda qilghan shiddetlik partlash netijiside, iskilatta ot apiti yüz bergenliki bildürüldi.
ot öchürüsh etritining otni kontrol qilishqa urunuwatqanliqi qeyt qilinghan xewerde, partlash peyti we uningdin kéyinki ehwallarning rayon ahaliliri teripidin süretke élinip ijtimaiy taratqularda hembehrilengenliki eskertildi.
weqede adem ölüsh yaki yarilinish ehwalining yüz bergen yaki bermigenliki toghrisida hazirche héchqandaq bayanat élan qilinmidi.
