élon mask: «twittérning bashqurghuchiliqini üstige alghudek exmeqni tapsamla istépa bérimen»
ijtimaiy alaqe supisi twittérning yéngi xojayini élon mask shirketning bashqurushini ötküzüwélishqa yéterlik «exmeq» tin birni tapqan haman twittérning bash ijraiye emeldari (CEO) bolush wezipisidin istépa béridighanliqini bildürdi.
türkiye awazi radiyosi xewiri: élon mask tiwittér adrésida hembehirligen uchurida, «men bu xizmetni üstige alghudek exmeq birsini tapsamla, bash ijraiye emeldarliqi wezipemdin istépa bérimen. uningdin kéyin peqet yumtal we mulazimet guruppisini bashqurimen» dédi.
élon mask yekshenbe küni (2022-yili 18-dékabir) twittérdiki bash ijraiye emeldarliqi wezipisidin istépa bérish yaki bermesliki kérekliki heqqide ray sinash bashlap, netijini qobul qilidighanliqini élan qilghan idi.
élon maskning ray sinash paaliyitide 17 milyon 500 mingdin artuq kishi bélet tashlighan bolup, ray sinash netijisige asaslanghanda, qatnashquchilarning %57.5 i élon maskning wezipisidin ayrilishini, %42.5 i dawamlashturushini xalaydighanliqini bildürgen.
amérika metbuatlirida élon maskning jiddiy halda twittérgha bash ijraiye emeldari izdewatqanliqi toghrisida xewerler tarqalghan idi.
