xitay-rusiye birleshme manéwiri bashlandi

xitay we rusiye déngiz armiye qisimliri bügündin (21-dékabir) bashlap tinch okyanda, sherqiy déngiz qirghaqlirida yette kün dawamlishidighan birleshme herbiy manéwirni bashlidi.

21.12.2022 ~ 04.05.2024

1921979

xitay-rusiye birleshme manéwiri bashlandi

türkiye awazi radiyosi xewiri: xitay dölet mudapie ministirliqi bayanat élan qilip, ikki dölet otturisidiki herbiy hemkarliqlar ramkisidiki yilliq «2022-birleshme déngiz» manéwirining, xitayning jéjyang ölkisining jushen bilen teyju sheherliri arisidiki déngiz tewelikide ötküzülidighanliqini bildürdi.

bayanatta, bu qétimqi manéwirning tereplerning déngiz bixeterlikige bolghan tehditlerge qarshi qabiliyitini ashurush we qetiy iradilirini namayan qilishni meqset qilghanliqi eskertildi.

bayanatta yene, ikki döletning xelqaraliq we rayonluq tinchliq hemde muqimliqini qoghdash, yéngi dewrde xitay-rusiye otturisidiki istratégiyelik hemkarliq munasiwetlirini téximu chongqurlashturushning nishan qilinghanliqi qeyt qilindi.

rusiye dölet mudapie ministirliqimu bayanat élan qilip, bu qétimqi manéwirning asasliq meqsitining, ikki dölet otturisida déngiz hemkarliqlirini tereqqiy qildurush, asiya-tinch okyan rayonida tinchliq we muqimliqni saqlash ikenlikini bildürdi.

خەتكۈچ: #yéngi dewr , #xitay-rusiye otturisidiki istratégiyelik hemkarliq munasiwetliri , #teyju , #jéjyang ölkisi , #xitay-rusiye birleshme manéwiri