girétsiye taratqusi: türkiyening alaqe küchi girétsiyedin üstün
girétsiye metbuatida élan qilinghan bir obzorda, türkiyening xelqara sehnidiki öz köz qarishini bayan qilish xizmetlirini girétsiyedin utuqluq élip bériwatqanliqi otturigha qoyuldi.
türkiye awazi radiyosi xewiri: wasilis nédosning «katémirini géziti» de élan qilinghan obzorida, girétsiyening xelqara sehnide asasiy milliy qarashlarni ipadilesh xizmetlirini heweskarlarche élip bériwatqanliqini, buning eksiche, türkiyening öz teshwiqatini shekillendürüshte türkiye jumhuriyiti jumhur reislik mehkimisi uchur – alaqe ishliri idarisi teripidin uzun mezgil ilgiri otturigha qoyulghan liniyeni asas qilghanliqini tekitlep, girétsiyening «héchkimge jawab qayturmasliq» taktisini qollinishini eyiblidi.
obzorda, türkiye heqqide «emma, enqere özining liniyesini her qétim üstelge yéngi mesililerni élip kélish arqiliq otturigha qoyushqa muweppeq boldi» dégen ibarilerge orun bérilip, türkiyening alaqe küchining girétsiyedin yaxshi ikenliki eskertildi.
obzorda, girétsiyening uchur tarqitish méxanizmi we ünümlük ammiwi diplomatiyesi jehette yéterlik emesliki, afénaning nöwettiki réalliqni nezerdin saqit qilghanliqi otturigha qoyuldi.
