péru pirézidéntining türmige  tashlinishigha qarshi namayishlarda qaza qilghanlarning sani 26 ge yetti

türkiye awazi radiyosi xewiri: péruning nurghunlighan sheherliride minglighan kishi kochilargha chiqip, yéngi pirézidént dina boluarténing istépa bérishini we türmidiki kastilloning qoyup bérilishini telep qilmaqta.

péru sehiye ministirliqi teripidin élan qilinghan bayanatta, namayishta jénidin ayrilghanlar sanining 26 ge köpeygenliki, 61 kishining doxturxanilarda dawaliniwatqanliqi bildürüldi.

ölümler sewebidin 17 - dékabirda 2 ministir wezipisidin istépa bergen we  yéngi pirézidént dina boluarténing saylamni 2023 - yili dékabirda ötküzüsh teklipi qurultaydiki bélet tashlashta ret qilinghan idi.

péruning sabiq pirézidénti kastillo 7 - dékabirda qurultay teripidin «menggülük exlaqiy yétesizlik» bilen  eyiblinip,  wezipisidin élip tashlanghan idi.

kastilloning yene, «ammiwi funksiyeni igelliwilish, dölet hoquqining ishlishige tosqunluq qilish we asasiy qanun tertipige xilapliq qilish» qa urunghanliqi ilgiri sürülgen idi.

pédro kastillo qurultayni emeldin qaldurup, döletlik jiddiy halet hökümiti qurush qararidin kéyin qolgha élinghan idi.

kastillo 7 - dékabirda qurultay teripidin wezipisi emeldin qaldurulghan we türmige tashlanghandin kéyin, pütün memliket miqyasida namayish bashlanghan idi.

kastillo wezipisidin élip tashlanghandin kéyin, muawin pirézidént boliwart 8 - dékabirda döletning yéngi pirézidénti süpitide  qesem bergen idi.

bolwartning saylamlarni 2023 - yili dékabirda ötküzüsh teklipi qurultayda ötküzülgen  bélet tashlashta ret qilinghan idi.

péru miqyasida namayishlar üzülmey dawamlishiwatqan bolghachqa 14 - dékabirda jiddiy halet élan qilinghan idi.