xitayda 1995 kishi «kowid – 19» wirusi bilen yuqumlandi
xitay sehiye komitéti bu dölette yéqinqi 24 saet ichide 77 si chet eldin kelgenler bolup, 1995 kishining «kowid – 19» wirusi bilen yuqumlanghanliqini, ikki kishining ölgenlikini uqturdi.
türkiye awazi radiyosi xewiri: paytext béyjingdiki ölüm hadisisi, xitayning 7-dékabir küni «kowid – 19» yuqumi tedbirlirini yéniklitish usulini qollanghandin kéyin körüldi.
mutexessislerning qarishiche, tedbirlerning yéniklishige egiship, wirusning téximu kéngiyishige qarimay, yuqumlanghuchilar we qaza qilghuchilar sanida körünerlik éshish körülmesliki, yéngi usulda tekshürtüsh mejburiyitining emeldin qaldurulushi bilen tekshürtüsh nisbitining töwenlesh éhtimalliqi yuqiri iken.
melumatlargha qarighanda, béyjingdiki doxturxanilar, jesetxanilar we jeset köydürüsh orunlirida paaliyetler köpiyip ketken, jénidin ayrilghanlarning yéqin – yoruqliri, döletlik we xelqaraliq metbuatlargha bergen bayanatlirida, jénidin ayrilghanlarning axirqi deqiqiliride nepes qiyinlishish qatarliq «kowid – 19» yuqumining bezi alametlirining körülgenlikini bildürgen.
birleshme yuqumni qoghdash we kontrol qilish méxanizmi 7-dékabir küni, «kowid – 19» yuqumi tedbirlirining yéngi usulini uqturghanidi.
uqturushta, öy we ish orunlirini keng kölemlik taqash, merkezlik karantin astigha kirish, ammiwi tekshürtüsh we sayahet cheklimisidin waz kéchishning zörürlüki tekitlengenidi.
