mask twittérda ray sinash paaliyiti bashlidi
élon mask, özining ijtimaiy alaqe supisi twittérdiki yuqiri derijilik bashqurghuchiliq wezipisidin istépa bérish yaki bermeslik mesilisige qarar qilish üchün ray sinash yolgha qoydi.
türkiye awazi radiyosi xewiri: tokluq mashina ishlepchirish guruhi — tésla we alem charlash téxnikisi shirkiti SpaceX ning qurghuchisi élon mask, özining ijtimaiy alaqe supisi twittérdiki yuqiri derijilik bashqurghuchiliq wezipisidin istépa bérish yaki bermeslik mesilisige qarar qilish üchün ray sinash yolgha qoydi.
ray sinasning netijisini qobul qilidighanliqini bildürgen mask uchur hembehrilep, twittérni sétiwalghan kündin bashlap nurghun xizmetchiler, bolupmu élan bergüchiler bilen her xil sürkilish yaki chüshinishmesliklerni bashtin kechürgenlikige isharet qilip ötti we sözini dawamlashturup: «twittérning bashliqiliq wezipisidin istipa bérishim kérekmu? men bu ray sinash netijisige boysunimen» dégenlerni qeyt qildi.
10-ayning 28-küni tiwittérni 44 milyard dollargha sétiwalghan élon mask, yéqinda özi toghrisida uchur hembehriligen bir qisim zhurnalistlarning hésabatini tonglitip talash-tartish qozghighanidi.
