нато: косовониң вәзийитини йеқиндин көзитиватимиз
шималий атлантик әһди тәшкилатиниң косоводики тинчлиқни сақлаш қисми косовониң шималидики вәзийәтни йеқиндин көзитиватқанлиқлирини билдүрди.
түркийә авази радийоси хәвири: шималий атлантик әһди тәшкилатиниң косоводики тинчлиқни сақлаш қисми тәрипидин елан қилинған байанатта, косовониң шималий районлириниму өз ичигә алған дөләтниң һәрбий мәвҗудийитиниң өктәбир ейидин буйан запас қисим вә чарлаш паалийәтлири арқилиқ күчәйтиливатқанлиқи тәкитлинип мундақ дейилди: «барлиқ актийорларниң шималий атлантик әһди тәшкилатиниң косовода турушлуқ тинчлиқни сақлаш қисми билән қойуқ һәмкарлишишини вә иғвагәрчилик қилип күч көрситиштин сақлинишини күтүватимиз. барлиқ тәрәпләрни косовода бихәтәрлик вә әркин сайаһәт қилишқа капаләтлик қилиш үчүн иҗабий қәдәм ташлашқа чақиримиз.»
сербийә пирезиденти александар вуҗич, пәйшәнбә күни кәчтә елан қилған байанатида, шималий атлантик әһди тәшкилатиниң косовода турушлуқ тинчлиқни сақлаш қисмидин, сербийә армийәси вә сақчилириниң косовониң шималий қисмиға орунлаштурулушини тәләп қилидиғанлиқлирини ейтқаниди.
сербийә дөләт мудапиә министири милос вучевичму түнүгүн, шималий атлантик әһди тәшкилатиниң косовода турушлуқ тинчлиқни сақлаш қисмидин, сербийә армийәси вә сақчилириниң косовониң шималий қисмиға орунлаштурулушини тәләп қилғанлиқлирини уқтурғаниди.
шималий атлантик әһди тәшкилатиниң косовода турушлуқ тинчлиқни сақлаш қисми даирилири, косово дөләтлик телевизийә қанили (RTK) ға бәргән байанатида, сербийәниң тәлипини көздин кәчүрүватқанлиқлирини билдүргәниди.
