somalida texminen 8 milyon kishi yétersiz ozuqlanmaqta
somalida dawamlishiwatqan yémek-ichmek yétishmeslik mesilisi sewebidin texminen 8 milyon kishi yétersiz ozuqlanmaqta.
türkiye awazi radiyosi xewiri: birleshken döletler teshkilati teripidin élan qilinghan doklatta, yamghurning yéterlik bolmasliqi sewebidin somalida 2020 - yildin buyan otturigha chiqqan qurghaqchiliqqa egiship, yémek-ichmek yétishmeslik mesilisi körülgenliki otturigha qoyuldi.
doklatta, somalida texminen 8 milyon kishining yétersizozuqliniwatqanliqi, qurghaqchiliqning dawamlishidighanliqi we nöwettiki weziyetning téximu yamanlishishi mumkinliki bildürüldi.
qurghaqchiliqqa munasiwetlik yémek-.ichmek yétishmeslik mesilisi, döletning gherbiy jenub qismi we paytext muqdishu qatarliq nurghun rayonlargha tesir körsitishni dawamlashturidighanliqi mölcherlenmekte.
asasen dégüdek charwichiliq bilen turmushini qamdap kéliwatqan somaliliqlarning köpinchisi qurghaqchiliq we ichki toqunush sewebidin yurt – makanliridin ayrilishqa mejbur bolmaqta.
