kabuldiki xitay méhmanxanisigha qilinghan hujumining jawabkarliqini daésh öz üstige aldi
tünügün (2022-yili 12-dékabir) afghanistanning paytexti kabulda xitay méhmanxanisigha qilinghan qoralliq we bombiliq hujumining jawabkarliqini térrorluq teshkilati daésh öz üstige aldi.
1918254
türkiye awazi radiyosi xewiri: térrorluq teshkilati daésh ijtimaiy taratqu hésabliridin élan qilghan bayanatida, kabulning new rayonidiki xitaylarköp chüshidighan méhmanxanigha qilinghan hujumning jawabkarliqini öz üstige alidighanliqini uqturdi.
yene bir tereptin, kabuldiki jiddiy qutquzush doxturxanisining bayanatida, hujumda yarilanghan 18 kishi we 3 jesetning doxturxanigha élip kélingenliki bildürüldi.
taliban waqitliq hökümiti bayanatchisi zabihullah mujahit ijtimaiy alaqe torida hembehirligen yazmisida, kabulning new rayonidiki xitay méhmanxanisidin chet elliklerning qutquzuwélinghanliqini, ikki chet el puqrasining méhmanxana dérizisidin sekrep qéchish jeryanida yarilanghanliqini éytti.
