b d t birmani arakanliqlarni qutquzushqa chaqirdi
birleshken döletler teshkilati musapirlar aliy komissarliqi birmani déngiz yoli arqiliq öz yurtidin ayrilghandin kéyin andaman déngizida qapsélip qalghan bir guruppa rohingya musapirlirini jiddiy qutquzushqa chaqirdi.
türkiye awazi radiyosi xewiri: birleshken döletler teshkilati musapirlar aliy komissarliqi asiya - tinch okyan ishxanisi teripidin élan qilinghan bayanatta, texminen 200 rohingyaliq musapir olturghan paraxotning 12-ayning 1-küni motorida kashila körülgenliki we shuningdin kéyin dolqunlargha duch kélip, éqip ketkenliki bildürüldi.
bayanatta, ayallar we balilarnimu öz ichige alghan musapirlarning bir nechche kündin buyan su we yémekliksiz yashashqa mejbur boluwatqanliqi eskertilip mundaq déyildi: «eger musapirlar qutquzuwélinmisa, ularning kelgüsi künlerde hayatidin ayrilip qélish xewipi bar.»
bayanatta yene, rayon döletlirige, xelqara déngiz qanunigha asasen mesuliyetlirini ada qilishi toghruluq agahlandurush bérilip mundaq déyildi: «bu agahlandurush, déngizda qiyin ehwalda qalghan puqralarni qutquzush wezipisini orundash üchündur.»
