amérika her yili texminen 300 din 800 giche rohingaliq panahlanghuchini qobul qilidighan boldi
bangladish 1 milyon rohingaliq panahlanghuchi yashawatqan kokis baziri rayonidin amérikaning her yili texminen 300 din 800 giche panahlanghuchini qobul qilidighanliqini élan qildi.
türkiye awazi radiyosi xewiri: bangladish tashqi ishlar ministiri aq abdul mömin paytext dakkada ötküzülgen muxbirlarni kütüwélish yighinida: «birinchi basquchta 62 neper rohingaliq panahlanghuchini 8 - dékabirda (2022) amérikagha orunlashturush pilan qilindi. amérika yene her yili 300 din 800 giche rohingaliq panahlanghuchini qobul qilidighan boldi» dédi.
aq abdul mömin: «men amérika mesuligha buning peqet kichik bir guruppa ikenlikini éyttim, amérika mesuli <bu peqet deslepki bir bashlanghuch> dep jawab berdi» dédi.
abdul mömin amérika tashqi ishlar ministiri antoni blinkén bilen 4 - aprélda (2022) washingtonda ötküzgen uchrishishida, amérikadin rohinga musulmanlirini qobul qilishini telep qilghanliqini hemde mensepdéshining bu telepni qobul qilghanliqini éytti.
abdul mömin bangladishning üstidiki panahlanghuchilar bésimini peseytish üchün az dégende 100 ming rohinga musulmanlirini qobul qilishi kéreklikini, engliye we yaponiye qatarliq tereqqiy tapqan döletlergimu mushuninggha oxshash teleplerni sunghanliqini bildürdi.
tebiiy apet we kilimat özgirishning tesirige asan uchraydighan kokis baziri rayoni 2017 - yili awghusttin kéyin birmadiki zulum we bésimdin qéchip kelgen 1 milyongha yéqin rohingaliq musulman panahlanghuchilargha sahibxanliq qilmaqta.
