engliye 6 ayliqtin 4 yashqiche bolghan balilargha kowid-19 waksinasi emleshni testiqlidi
engliye dora we sehiye mehsulatlirini bashqurush orgini 6 ayliqtin 4 yashqiche bolghan bowaq we balilargha «Pfizer-BioNtech» shirkiti ishlepchiqarghan kowid-19 waksinasini emleshke ruxset qildi.
1915850
türkiye awazi radiyosi xewiri: engliye dora we sehiye mehsulatlirini bashqurush orginining bayanatida, «Pfizer-BioNtech» shirkitining «Comirnaty» waksinasining zörür bolghan bixeterlik, süpet we ünüm ölchimige toshqanliqi bildürüldi.
bayanatta, kowid -19 waksinasini 6 ayliqtin 4 yashqiche bolghan bowaqlar we balilargha emleshning testiqlanghanliqi, bu qarardin ilgiri 4526 qatnashquchini öz ichige alghan klinikiliq sinaqning sanliq melumatliriningmu tekshürülgenliki uqturuldi.
bayanatta, bu dairide biyonték- fayzér waksinasining tesirining «bu yash guruppisidikilerge nisbeten waksinidin kütüshke bolidighan ehwal bilen mas kélidighanliqi» eskertildi.
