burkina fasoda yüz bergen térrorluq hujumida nurghun adem öldi
burkina fasoning gana we togo chégrasigha yéqin bir rayonida yüz bergen térrorluq hujumida 6 kishi hayatidin ayrildi.
türkiye awazi radiyosi xewiri: burkina faso taratqulirining xewer qilishiche, kimliki nemelum qoralliq térrorchilar, gana we togo chégrasigha yéqin bitto shehirining boulgo nahiyesidiki pétank kulubigha bésip kirgen.
zorawanlarning etrapqa uq chiqirishi netijiside 4 oqutquchini öz ichige alghan 6 puqra hayatidin ayrilghan.
xewerlerde déyilishiche, qoshna dölet malidiki elqaide we daésh bilen chétishliqi bar térrorchi guruppilar, 2015 – yildin buyan burkina fasoning shimaliy we sherqiy qisimlirida pat - pat térrorluq hujumlirini élip baridiken.
burkina faso hökümitining melumatlirigha qarighanda, térrorluq hujumlirida, 2015 – yildin 2021 – yili dékabirghiche bolghan ariliqta 600 amanliq saqlighuchini öz ichige alghan 2 ming kishi hayatidin ayrilghan.
