birmadiki bir yéza yolidin 13 neper rohinga musulmanlirining jesiti tépildi
erkin rohinga birleshmisining mudiri nay san lwin bayanatida, yanggon shehiridiki xlégu yézisining tabinshwéxiti yolidin 13 neper rohinga musulmanlirining jesiti tépilghanliqini éytti.
türkiye awazi radiyosi xewiri: lwin jesetlerning doxturxanigha élip bérilghanliqini, kishilik hoquq paaliyetchilirining doxturxanini ziyaret qilghanliqini, jesetlerning yüzi we bedinide yara izliri barliqini éytti.
lwin: «28 – noyabirda herbiy hakimiyet terep, 54 er we 14 ayalni qoshqanda jemiy 68 rohinga musulmanlirini qolgha alghan idi. méningche 18 yashtin töwen bu 13 qurbanmu shu guruppidin bolushi mumkin» dédi.
yerlik taratqularning xewirige asaslanghanda, rayondin qéchishni xalighan rohinga musulmanliri mashina bilen yötkiliwatqanda oksigén yétishmesliki sewebidin jénidin ayrilghan.
birmaning arakan ölkiside 2012 - yili buddistlar bilen musulmanlar otturisida toqunush yüz bérip, köpinchisi musulmanlardin terkip tapqan minglighan kishi öltürülgen shundaqla yüzligen öy we shirket binalirigha ot qoyup bérilgen idi.
